- Advertisement -

اجازة نص السنة و الأمهات

كل الأمهات كانت مستنيه اجازة نص السنه علي نار

عشان يناموا براحتهم و يسهروا و يتفسحوا ويسافروا كام يوم وينزلوا الاسواق والنادي والزيارات العائلية

اه فعلا هو ده حلم الأمهات طول فترة المذاكرة والامتحانات

⚡️⚡️فجأه وبعد مرور اول يوم من الاسترخاء في البيت والاستعداد للتخطيط للإجازة

بدأوا الأولاد في الخناقات والضرب ومشاكل كل ساعة بسبب الألعاب الإليكترونية الموجودة بالبيت

ويبدأ صراخ الام بس المرة دي مش عشان المذاكرة ???????????????? لا عشان بتقوم بدور الحكم ال ماسك صفارة في البيت لتحديد تايم للعب كل طفل و تحل المشكله

⚡️⚡️بعد شويه صراخ وخناق تاني بين الأولاد ???????????????? لان الخاسر في اللعب بيكون مركز المسخرة والضحك والاستفزاز من أخواته

ويبدأ تدخل الام لتقوم بدور القاضي في المحكمة وعقاب الظالم ونصرة المظلوم

⚡️⚡️الحمد لله الجو هادي مفيش صوت خناق

بس برضه الهدوء الغير معتاد ده بيقلق الأمهات ????????????????

ثم صوت نداء هادئ من الأولاد مصحوب بنبرة خوف لابلاغها انهم كانوا قاعدين وفجأة ازاز الشباك اتكسر و بعض من كريستال النجفه وقع مش عارفين السبب سبحاااان الله