ازاي تقدر تتخلص من وجع القلب النفسي؟..اللايف كوتش أيمن فتيحه يجيبك

أحيانا بيحصلنا وجع القلب بمعنى الكلمة ، ونحس بجد بثقل على قلوبنا وخنقة ضيق، يقول اللايف كوتش ومعالج الصدمات أيمن فتيحه لـ “حرة” ..ممكن يكون وجع القلب نتيجة علاقة متعبة أو نتيجة قرارات خطأ متسرعة.

ممكن يكون نتيجة خوف من التقدم لمساحة جديدة ، أو نتيجة انك بتكلم نفسك دايما بشكل سلبي و حاجة متواجدة فى حياتك وضاغطاك ومش لاقيلها حل .. أوممكن عشان أسباب كتير اتجمعت كلها على بعض مرة واحدة.

طالع أيضا : لماذا يجب ان تذهب الي لايف كوتش

نحس بحزن وتعب وهم مالى قلوبنا، ونتوه فى الحياة ونحاول يمين وشمال نلاقى حل وفى الغالب مش بنعرف نخرج من الحالة دى بسهولة .. لكن دايما فى حلول مهم نتعلمها زى :

  • ارمى الاثقال اللى تقدر عليها .
  • انهى بعض العلاقات المؤذية.
  • تخلص من الالتزامات غير الضرورية.
  • اوقف استماعك للاحزان والسلبين.
  • اعمل عزل لنفسك عن السلبي وضع نفسك فى بيئة ايجابية قدر المستطاع .
  • اطلب المساعدة وابدء .
  • حول وجع القلب لراحة القلب بالتدريج.