- Advertisement -

اللايف كوتش أيمن فتيحه: ازاي تقول لا لـ”العلاقة السامة” !

لما بتكون فى علاقة سامة ..ده معناه انك فى علاقة بتاخد منك
فى علاقة بتستهلكك
فى علاقة بتقلل عمرك الافتراضى
محتاج طول الوقت تبرر
محتاج طول الوقت تدافع
محتاج تشرح وتفهم وتبين وتعتذر وتحايل بشكل مرهق
محتاج ترضى حد مش بيرضى
مش مهم ايه هى مواصفات العلاقة السامة
مش مهم مين هم اصحابها
بس المهم انك تاخد الترياق
المهم انك تكون مُحصن
المهم انت
لان فى علاقات سامة ومحتاجة مُحترف عشان يعرفها
لكن مهما كانت العلاقة السامة خفية
وانت مٌحصن كويس مش حتعرف تأذيك

والحقيقة فى اكثر من ترياق
لكن خلينى النهاردة
اقولكم على اهم واحد فيهم
واللى مفعوله بيشتغل مع معظم العلاقات السامة
والجميل فى الترياق ده انه بيخلى العلاقات السامة هى اللى تسيبك مش انت اللى تسيبهم
يعنى انت ممكن تكتشف اصلا انك كنت فى علاقة سامة وانت مش واخد بالك

الترياق
(قول لاء)
يعنى ايه
يعنى قول لاء
بس لاء لها شروط عشان مفعولها يشتغل
١-انها تكون اختيار واعى حر مش لاء بتاعت النرفزة والعصبية
لاء بتاعت ان ده لا يناسبك
لاء بتاعت مش مناسب حاليا
لاء بتاعت حد بيختار
٢-انها تكون برقى وشياكة وباحترام فى التعامل
٣-انها تكون واضحة وتتفهم لاء …
مش نظام طيب لما اشوف
مش فكرة اصل مش عارف ظروفى
مش بطريقة طيب ححاول يمكن اقدر
٤-انها تكون مع الابعد ثم الاقرب مش العكس
يعنى تطبقها مع الناس البعيدة اولا وبعدين تقرب بالتدريج
٥-انها تستخدم عند الحاجة مش عمال على بطال ..يعنى لما تكون فعلا عاوز تقول لاء

ذاكروا الشروط دى كويس وابداوا بالتدريج تأخدوا الترياق.

طالع أيضا : لماذا يجب ان تذهب الي لايف كوتش