اللايف كوتش أيمن فتيحه: جواز الصالونات ولا جواز الأصحاب؟!

من الحاجات اللى كتير من الشباب والبنات بيحاربوها جواز الصالونات، وان المفروض نكون صحاب فترة طويلة عشان نقدر نحب بعض ونكمل سوا..

وللاسف تجارب الجواز اللى نشأت من فكرة الصحاب نتايجها مش كويسة خالص
هو الخلل فين والمشكلة ايه؟، يا جماعة القصة مش صالونات وكافيهات وانتريهات
القصة فى الانثى والذكر.. وليس الذكر كالانثى.

مهم كل طرف يكون عارف هو محتاج يتجوز ليه، وايه اللى حابب يكون موجود فى شريك حياته
الموضوع مش انه يجى البيت ويقعد فى الصالون ولا الانترية ولا السفرة ولا الاسر تخرج تتقابل بره.

عشان كده مهم الآتى:

١-النية الصادقة الواضحة الطيبة تكون موجودة جواك.

٢-الارتياح المبدئي اهم حالة مهم تحصل فى اللقاءات الاولى.

٣-حالة من الانبساط بالتواجد مع الانسان ده.

٤-سؤال الاهل الجيد مش كروتة عن شريك الحياة.

٥-لو كل ده تمام ..تبدأ مرحلة الاختبارات

وده فى الحقيقة محتاجة تفاصيل كتير حنتعرضلها فى مقالات قادمة..

اتعلموا يعنى ايه انثى ويعنى ايه ذكر..وافهموا كويس وانطلقوا فى رحلة الحياة.