المشاكل الزوجية (أسباب وحلول) بقلم ا- مريم طه

المشاكل الزوجية ، أسباب وحلول

أسباب المشاكل الزوجية

من الأسباب اللي بتعمل مشاكل بين الزوج والزوجه

  • اختلافهم الكلي عن بعض
  • اختلاف الراجل عن الست في الشكل والأحتياج والتكوين والدور، فهم كائنان مختلفان علي نفس الدرجه وهي انسان.
    فبالتالي ما يسعد الست ويشبعها مختلف عن الراجل والعكس حتي الدور اللي بيقوم به كل واحد مختلف عن الأخر نتيجه اختلاف مشاعرهم والتكوين الجسمي والعقلي
  • زي ماقال ربنا ليس الذكر كالانثي، والمشكله بتبدأ بأن كل واحد منتظر من الأخر أنه يتعامل معاه بنفس اللي جواه .

ومن هنا نسأل أنفسنا احنا داخلين الحياه الزوجيه ليه عشان نأخذ ونعطي ولا هنأخذ بس

والأهم من كده وهو الحل أنا هأخد ازاي وهعطي ازاي ؟

أنا هأخذ بأني أعبر وأقول أنا بحب ايه و باي طريقه واوضح احتياجي والطريقه اللي تشبعني

* اللي صعب عليه كده يبقي هو أصلا مش عارف نفسه ولا عارف ايه اللي بيحبه فسايبها ع الاخر .

ولما هعطي ممكن أسال ازاي

لان دي من أكبر الغلطات أن احنا بنعمل اللي من وجهه نظرنا لكن مش اللي محتاجه الطرف الأخر وبالتالي يعتبر مش بنعمل وأوقات نتهم بالأنانيه وبالفعل ده الظاهر لأن بيعطي من وجهه نظره اللي شايف إنه ده حلو وبكده أنا عامل اللي عليا وزياده  ويكمل الخلاف إن كل واحد منتظر الأخر يتغير عشانه ويتعود علي طبيعته ولو بتحبني هتتغير وأوقات يقولك انا الراجل فتتغيري عليا .

كل واحد بيحاسب الاخر علي اللي المفروض يعمله زي ماهو بيعمل اللي عليه من نظريته

وهنا بندخل في نقله نفسيه وهي ممكن اتنازل عن ازاي ادي لحد حاجه أنا شايف انها مش مشبعه او مش مهمه او طلب غريب لمجرد انه مهم ومشبعه عند الشخص اللي معايا

النقله النفسيه في تقبل الاختلاف والمرونه في اني اتخلي عن نظرتي وراي ورؤيتي والأنا

واشوف الأخر بإحتياجه واللي يحبه وكمان أبذل مجهود في إني اخرج من دايره راحتي الي ما يطلبه الاخر ويسعده

اخرج من اني هعمل عشاني وبس اعمل اللي شايفه وبس

لا ممكن اعمل حاجه مش بحبها ولا عايزاها لمجرد ان الاخر بيحبها

طيب هل ده ميبقاش بأجي علي نفسي ؟

لا لأنك مش بتيجي في احتياجتك ولا طلباتك ولا مايشبعك .

وبكده الحياه الزوجيه هتكون تكامليه

تخيل لو انتو الاتنين زي بعض هيبقي كده واقع منكو جانب من الحياه جزء مش شايفينه مفتقدين طعمه وتجربته ادوار مش عارفنها مع قفل الابداع والحياه هتبقي نسخه بنكررها

وكتير من الأزواج بيأخذوا من بعض فنتملي ونملي وهنا معني الاختلاف تكامل زي البازل بنكمل الصوره وأحنا متعشقين ببعض

كل واحد قطعه كامله لوحده لكن الاتنين مع بعض صوره أكبر .

بقلم ا- مريم طه  مختصه نفسية واستشاري علاقات ومعالج شعوري

المشاكل الزوجية

Leave a comment