عنتر ولبلب

فيلم كوميدى خفيف بيصور صراع بين إنسان بسيط و بلطجى استضعفه و قرر يسلبه حلمه و حبه الوحيد …لبلب القهوجى الطيب اللى حب لوزه بنت الحارة و دخل من الباب و أتقدم لأهلها علشان يتجوزها و لكن الأهل كانوا عايزين لبنتهم حد أقوى و أغنى و اللى ظهر بعد كده فى شخص عنتر الغريب على الحته و اللى دخلها علشان يسيطر على كل شىء فيها بعضلاته و فلوسه ….عنتر استكتر على لبلب رزقه و حب حبيبته له و قرر يمحيه من الوجود و يطفشه من الحارة علشان يستولى على العروسة و الدكان و يفرض هيمتنه على الكل ….شاءت الظروف و اتحط لبلب قدام عنتر فى مواجهة طاحنة…مواجهة لا يمكن تخلص تعادل لكن لازم غالب و مغلوب …بحسابات العقل و المنطق عنتر هيسحق لبلب بضربة قاضية من أول جولة لكن حسابات الإرادة القويةو المشاعر المخلصةو القلوب النقيةشيء تانى خالص …استمرت مطاردة بين الغريمين قدر فيها لبلب رغم ضعفه يكسب كل الجولات ضد غريمه و استطاع الضعيف الغلبان إنه  يضرب العملاق المارق سبعة أقلام …صدق أو ماتصدقش : لبلب هو أنا و أنت و الابتلاءات اللى بتمر بينا هى عنتر و الدنيا هى لوزه اللى بنسعى لكسب ودها …مش مهم مدى قسوه الإمتحان و شده الابتلاء لأنك بالتخطيط و العزيمة و الحب و البطانةالصالحة هتقدر تعبر أى أزمة هتطلع من كل محنة كسبان …مش المحنة هى العدو و لكن ضعف الإرادة…إرادتنا مفيش حد غيرنا له سلطان عليها …يعنى مش ممكن حد يخسر إلا لو هو بنفسه قرر ينهزم قدان الظروف …خليك ديما قوى الشكيمة و قدام أى محنة : طلع لبلب اللى جواك