ما بعد الانفصال وبداية النهاية بقلم أ. مريم طه

ما بعد الانفصال وبداية النهاية وجود شخص بحياتي سواء حلو أو مؤذي فأكيد طلع معاه مشاعر مني تجاه وأحاسيس وخصوصا لو علاقة زواج خطوبة أصحاب بيبقي معاها احلام وأهداف وأمان واطمئنان وإحساس عالي بدور ليا بقوم به باخد وبعطي مشاعر ووقت وجهد وكيان بابني فيه.

ما بعد الانفصال

فالطبيعي اني افتقده عند الانفصال وافتقد معاه كل الاحاسيس ودوري اللي كنت فيه وخصوصا لو كنت مدياله حياتي باكملها يعني مواقفه جميع أدواري وعايشه دوري اللي بالعلاقه دي وبس.

وهيترتب عليه : –

  • غضب مني ومن تصرفي ورد فعلي
  • ومروري بعلاقه زي دي .
  • وغضب منه -وتصرفه – ورد فعله .
  • وحب وحنين للمشاعر ولوم وتانيب للنفس وسخط علي الظروف اللي وقعتنا .

كل ده طبيعي جدااااا بوضحه عشان أطمن أي حد بيمر بحالة إنفصال .

فأصبح عندي حاله من عدم التوازن -الفراغ بداخلي – ويأس واحساس بالفشل والظلم وسؤال هعمل ايه في اللي جاي ؟

في الحاله دي أعمل إيه ؟

  1.  اقبل كل اللي أنا فيه الحاله بمشاعرها أعيشها منكرهاش ولا أخاف منها مطلبش من نفسي أبقي كويسه وعادي وأعرف اني طبيعية واللي انا فيه ده هو العادي.
  2. أفرغ مشاعري يعني اتكلم واقول كل اللي جوايا مع معالج -صديق – أخ أي شخص بيقدر يفهمني ويسمعني وميحكمش عليا ولا ينقدني وطبعا امين.
  3. أسمي مشاعري مش كل حاجه مضايقه أصنف الضيق ده يعني زعلان – مقهور – غضبان – متالم.
  4. أطلع مشاعري دي مكتمهاش واقعد ساكته واتقهر اكتر وتفضل جوايا تزيد وتفرش جوا جسمي كله وتاثر عليه فيطلع في صحتي .
  5.  أطلع مشاعري في اي عمل بدني وافضلهم الرياضة المشي الجري *في كتير بيبقوا من الكاتمه محتاجين يصوتوا- يكسروا – يضربوا وللأسف غصب عنهم بتطلع مع اشخاص ملهمش ذنب .

*لو عملت كل ده هتطلعلي أفكاري ودي مهمه جداااا لانها بيتبني عليها قرارات ولو مفرغتش مشاعري صح هتتبني قرارات خطا .

قد يهمك أيضا: أزمة الانفصال عن شريك الحياة..العلماء يوضحون كيفية التغلب عليها

اشتغل إزاي علي افكاري ؟

  • أكتب كل فكره تجيلي واناقشها بحياديه.
  • أشوف الاسباب اللي وصلتنا لكده زي مثلا أنا مش بعرف أدي بحب اخد بس او العكس باجي علي نفسي – مش عارفه دوري ولاحقوقي.
    *وهنا في سؤال مهم هو ده نمط بيتكرر معايا ؟ أنا يعني بجذب النوع ده من الشخصيات !
  • أطلع بره القصة واعتبرني بتفرج عليها وأشوف ايه مسؤليتي ومسؤليته .
  •  اشوف توقعاتي كانت إيه وليه -تصرفاتي وافعالي .
    بهدف التعلم من اللي فات وليس اللوم والتانيب.

قد يهمك أيضا: الاختيار الصعب.. الطلاق والانفصال أم المشاكل اليومية ؟؟

الأخطاء اللي بنمر بيها في فترة ما بعد الانفصال

  • إني دايما بننتظر الشرح من الطرف التاني ؟هو يقولي زعل مني في ايه ؟ عملتلوا ايه ؟ قصرت في ايه ؟
  • إني اقرر مدخلش في علاقات تاني عشان متاذيش ولا اتعشم ولا اتظلم ولا افشل تاني.
  • أدخل في علاقه أخري علي طول عشان ينسيني وابين للطرف التاني اني عادي وانا احسن منك .
    ولكن اللي بيحصل إني بفضل دايما اقارنه أو أشيله ذنبه – أعيد اخطاءي أو أكون متحفزه بزياده -متمرده وعكس ماكنت – أطلب منه ماافتقد في اللي فات .واعقبه علي فعل مفعلهوش.
  • جلد الذات – تأنيبها – عقابها – كتمانها . الهدف من ده كله اني اعيد بناء نفسي اعيد كيانها اعلمها من التجربه عشان تعلي وتستفيد املي فراغها عشان متجريش علي أي علاقه مش مناسبه ليها أرجع لنفسي كامله

بقلم أ. مريم طه مختصه نفسية واستشاري علاقات ومعالج شعوري

ما بعد الانفصال