- Advertisement -

“من مشاركات القراء “هحارب علشان أعيش‎

 

عايشين في الحياة وكل اللي علينا أننا بنفقد جزء من نفسيتنا السويه ،بنخسرها بسبب ناس كتير قريبين مننا ،واللي من المفروض يكونوا الدعم الأكبر في حياتنا ،ولكن المفروض مرفوض في الزمن دا ،وبتلاقيهم هم السبب في كل المشاكل والمتاعب النفسيه اللي في حياتك……… طيب نوقف مع نفسنا شويه ونسأل لحد أمتي؟ لحد أمتي؟ وانا تعبانه وبصارع وهم مش حاسين ولا هيحسوا بالمعاناه اللي جوايا ،وانا كل اللي عليا بكتم واكبت جوايا، لدرجه اني بقول لو روحت عملت تحاليل هالقي النتيجه أن عندي كل أمراض الدنيا فيا ،واللي يشوف ضحكتي مايعرفش اللي وراها، الجزء المظلم في حياتي ،واللي غير قادرة على اني احكي لحد وافضض واطلع كل اللي جوايا، لسبب انهم مش هيعملوا حاجه ……….مش هيتغيروا ولا كلامي هياثر فيهم.

ولكن بعد صراع ودومات جامده ،دخلت فيها لدرجه اني فكرت بجديه تامه في الإنتحار ….. بعد ضغوطهم وكمان ضغط التفكير ،ودا اللي خلاني أكتشف أن التفكير دا شيء قاسي جدا علي الإنسان ،فكرت في الإقبال على الانتحار لاني فعلا مش قادره أعيش الحياه بكل مشاكلها .

وبعد تفكير عميق صدر منه قرار عظيم ……اللي هو انا هاثور وهاحارب وهانتصر في المعركة دي…..هنتصر علشان اكسب نفسي، مش انا إللي في 23 من عمري أفكر في الإنتحار والسبب في المقربين مني.

قولت لسه العمر طويل……. انا هاحارب علشان أعيش الحياه اللي عاوزاها ،مش هاخليهم يتحكموا فيا تاني ،هاعيش حياتي زي ما انا عاوزاها. ….زي ما قلبي عاوزها. …زي ما هارتاح واحس بسعادة وفرحة. …..هاعمل كل اللي عاوزاه وهيكون نابع من داخلي.

هاثور عليهم وهاخرج كل اللي جوايا. …خلاص كل الكبت اللي جوايا هيخرج وهينفجر علشان انا خلاص تعبت ووصلت لآخري معهم، مش هاكبت تاني ، هاخرج كل اللي جوايا علشان أحس اني خفيفه من جوه ونفسيتي مفيهاش أي حاجه تثقلها أو حتي تتعبها.

هاخرج كل حاجه علشان اقدر أعيش. …اقدر احارب في مجالات تاني لأن الحرب في اكتر من جبهة هتسبب في خسارتي بالتأكيد.

 

 C. J. Beathard Authentic Jersey