- Advertisement -

من مشاركات القراء “يعني ايه كلمة حب” كتبته إيمان مصطفي

 

IMG_20170715_022045_898.jpg

 كتبته : إيمان مصطفى

الحب… هو إحساس ،صعب جدا أي حد
يقدر يحجمه في إطار محدد ،يعني لو قعدنا
من هنا لبكرة علشان نحدده، مش هانقدر
نوصفه بشكل صحيح، أو حتى مش هنقدر نشبه
بحاجة مادية ملموسة صغيرة، لاني بعتبره
زي المياه اللي ما اقدرش امسكها في أيدي
لفترة طويلة ،لأنه أكبر وأصعب من أي وصف
،يمكن بعد عدة تجارب ممكن اقدر اوصل لوصف
ليه ،وسواء كانت التجارب دي من طرف واحد
،أو من طرفين .

ولو هنتكلم عن اللي من طرفين …..فهو
أجمل شعور لما تحس وكمان تلاقي أن في حد
في الحياة دي ،مهتم بيك….. بيحبك
……ومهتم جدا حتى بتفاصيلك الصغيرة……
بيكون مش مؤمن بعيوبك وبس…… لا بل دا
متقبلها وراضي بيها كمان.

فالحب بيعتبر طاقة لازم كل فترة
نشحنها، لما نحس انها قربت تخلص أو ابتدت
تضعف ،مثلا انا لو بحب حد فهيكون عندي
مشاعر وأحاسيس بتتوجه للشخص دا، وفي
الحالة دي انا بستنفذ طاقة عندي ،بتكون
على شكل موجات ،وبعد فترة من تبديد
الطاقة بتاعتي ،فلو الطاقة دي ما اتردتش
تاني لينا ،بتضعف وتنتهى بالتدريج وتموت
جوانا ،زي الوردة اللي مالقتش اهتمام
وذبلت وماتت
ومردود الطاقة بيكون في شكل
مشاعر….. وأحاسيس ……احتواء. …. كلمة
شكر….. اطراء جميل…… أقل شيء ممكن وردة
…..ومش لازم حاجات غالية علشان نبان أننا
بنحب، ممكن كلمة تعدل مزاجي أو حتى تغيره
تماما.

 بعتقد الست أضعف من الراجل بمراحل
كتير فى حوار المشاعر والحب، يعني لو
اتنين بيحبوا بعض وكان بينهم مشاكل، هو
السبب فيها وكانت مضايقة خالصة ومتواعده
أنها تعمل وتسوي فيه لما تشوفه ،وياجي هو
بكل بساطة يقولها كلمة حلوة يطفي النار
اللي كانت مشتعلة جواها.

 كمان بعتبر أن للراجل الدور القيادي
في علاقة الحب، خاصة في المجتمعات
الشرقية، يعني هو اللي يقدر يبدأ ،وكمان
يدخل بجدية في أي علاقة، هو المتحكم في أن
حياته تكون هادئة وسويه مع شريكة حياته،
ولا كلها عند ومشاكل وخناق ما بينهم، هو
ليه دور كبير في العلاقة …..بايده يبدأها
وينهيها كمان.

في ناس ممكن تقول ان الست ليها دور
كمان ،وهي فعلا ليها دور ومحدش يقدر
ينكره، لكن احنا مش زي الأجانب ،أو غيرنا
من الشعوب زي الهند مثلا العروسة واهلها
بيروحوا يخطبوا العريس من أهله.

 الست في المجتمعات دي عندها مساحة
حرية، في موضوع العلاقات سواء كانت حب أم
جواز ،هي اللي بتبدا في أي علاقة وتطلب
الجواز، والمجتمع بيتقبل الموضوع عادي.